सुधाकल्पः

श्लोक 3-4

विरेचनानां सर्वेषां सुधा तीक्ष्णतमा मता|
सङ्घातं हि भिनत्त्याशु दोषाणां कष्टविभ्रमा||३||

तस्मान्नैषा मृदौ कोष्ठे प्रयोक्तव्या कदाचन|
न दोषनिचये चाल्पे सति मार्गपरिक्रमे ||४||

श्लोक 7-9

द्विविधः स मतोऽल्पैश्च बहुभिश्चैव कण्टकैः||७||

सुतीक्ष्णैः कण्टकैरल्पैः प्रवरो बहुकण्टकः|
स नाम्ना स्नुग्गुडा नन्दा सुधा निस्त्रिंशपत्रकः||८||

तौ विपाट्याहरेत् क्षीरं शस्त्रेण मतिमान् भिषक्|
द्विवर्षं वा त्रिवर्षं वा शिशिरान्ते विशेषतः||९||

श्लोक 12-13

सातलां काञ्चनक्षीरीं श्यामादीनि कटुत्रिकम् ||१२||

यथोपपत्ति सप्ताहं सुधाक्षीरेण भावयेत्|
कोलमात्रां घृतेनातः पिबेन्मांसरसेन वा||१३||

श्लोक 15-17

त्रिवृतारग्वधं दन्तीं शङ्खिनीं सप्तलां समम्|
गोमूत्रे रजनीं कृत्वा शोषयेदातपे ततः||१५||

सप्ताहं भावयित्वैवं स्नुक्क्षीरेणापरं पुनः|
सप्ताहं भावयेच्छुष्कं ततस्तेनापि भावितम्||१६||

गन्धमाल्यं तदाघ्राय प्रावृत्य पटमेव च|
सुखमाशु विरिच्यन्ते मृदुकोष्ठा नराधिपाः||१७||

श्लोक 19

पाययेत्तु सुधाक्षीरं यूषैर्मांसरसैर्घृतैः|१९|

श्लोक 20

क्षीरेणामलकैः सर्पिश्चतुरङ्गुलवत् पचेत्|
सुरां वा कारयेत् क्षीरे घृतं वा पूर्ववत् पचेत्||२०||

पुष्पिका

इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते
कल्पस्थाने सुधाकल्पो नाम दशमोऽध्यायः||१०||